काठमाडौं । म्यानमारको सेनाले सत्ता हातमा लिएको छ । चुनावबाट बहुमत प्राप्त नेश्नल लिग फर डेमोक्रेसी (एनएलडी) की नेतृ आङ सान सू ची र राष्ट्रपति वुइन मीयनलाई सेनाले गि रफ्तार गरेको छ । चुनावी परिणामलाई सेनाले समर्थन गरेको पार्टीले अस्वीकार गर्दै आएको थियो ।
गत नोभेम्बरमा भएको चुनावमा (एनएलडी)ले सरकार गठनका लागि संसद्मा पर्याप्त हुने गरी सिट जितेको भएपनि सेनाले भने उक्त चुनावमा धाँधली भएको जनाएको आएको थियो । सोमवार हुन लागेको संसद्को बैठकलाई पछि सार्न सेनाले सरकारलाई आह्वान गरिरहेको छ।
बीबीसीका अनुसार राजधानी नेपिद्अ र मुख्य सहर यानगुनका गल्लीहरूमा सेनाहरू सडकमाम निस्किएका छन् । राजधानीमा टेलिफोन र इन्टरनेट सेवा बन्द गरिएको छ। सेनाले थुप्रै ठाउँहरूमा मुख्य मन्त्रीका घरहरूमा पनि पुगेर उनीहरूलाई लगेको परिवारका सदस्यहरूले बताएका छन्। म्यानमारमा फेरि अर्को सैन्य ‘कू’ को आशंका गरिएको छ ।
म्यानमारमा सन् २०११ सम्म सैन्य शासन रहेको थियो । सूकीले लामो समय आफ्नै घरमा नै नजरबन्दमा बिताएकी थिइन् ।
सोमबारबाट पहिलोपटक नयाँ संसदको सत्र शुरु हुनुपर्ने थियो तर सेनाले त्यसलाई स्थगित गर्न माग गर्दै आएको थियो ।
सरकारी मिडिया एमआरटीभीले प्राविधिक कारण बताउँदै प्रशारण बन्द गरेको छ भने टेलिफोन र विभिन्न क्षेत्रमा इन्टरनेट सेवा बन्द गरिएको थियो ।
सेनाहरु विभिन्न क्षेत्रका मुख्यमन्त्रीका घरमा पुगेर उनीहरुलाई पक्राउ गरेको परिवारिक स्रोतले जानकारी दिएका छन् । शनिबार म्यानमारको सेनाले संविधानअनुसार अघि बढ्ने बताएपछि म्यानमारमा सैनिक ‘कू’ को आशंका बढेको थियो ।
