News Portal

  • अमेरिकाका नयाँ राष्ट्रपति जो बाइडनको आज शपथ समारोह 

    डबली संवाददाता२०७७ माघ ७ गते
    १४३ पटक

    काठमाडौं । अमेरिकाका नयाँ राष्ट्रपति जो बाइडनले आज भब्य समारोहबीच जिम्मेवारी समाल्दै छन् । नेपाली समयअनुसार राति १०ः१५ मा बाइडनले शपथ समारोहबीच राष्ट्रपति बाइडन र उपराष्ट्रपति कमला ह्यारिसले जिम्मेवारी समाल्ने भएका छन् ।

    शपथ समारोह सँगै बाइडनको कार्यकाल सुरु हुने भएको छ । उनले आगामी ४ बर्षसम्म अमेरिकाको सत्ताको बागडोर समाल्नेछन् । बाइडनको शपथ समारोहमा हिं.सा भड्किन सक्ने भन्दै अमेरिकाभर कडा सुरक्षा व्यवस्था पारिएको छ । वासिङ्टन डिसीमा हजरौं सुरक्षाकर्मी परिचालन गरिएको छ ।

    चुनावमा धाँधली भएको भन्दै आफूले सहजै सत्ता नसुम्ने बताउँदै आएका राष्ट्रपति डोनाल्ड ट्रम्पले शान्तिपूर्ण रुपमा सहजै सत्ता सुम्पिँदै बाइडनलाई शुभकामना दिएका छन् । तर शपथ समारोहमा भने सहभागी नहुने भएका छन् ।

    संसद भवनमा गरिएको हमलापछि ट्रम्पको चर्को विरोध भएको थियो । आफ्नै पार्टीका सांसदहरुले समेत विरोध गरेपछि ट्रम्प एक कदम पछि हटेका थिए ।

    आज वासिङ्टन डिसीका धेरैजसो ठाउँहरुमा कर्फ्यू लगाइएको छ । सुरक्षाको जिम्मा अमेरिकी गुप्तचर निकायलाई दिइएको छ । उसले हजारौँ प्रहरीलाई सहयोग गर्न न्यान्शल गार्डका झण्डै १५ हजार सुरक्षाकर्मी खटाएको छ ।

    प्रतिकृया दिनुहोस्