News Portal

लोडसेडिङ तालिका सार्वजनिक, अब दैनिक लोडसेडिङ हुने

डबली संवाददाता२०७७ माघ ५ गते
७४ पटक

जुम्ला । अबदेखि जिल्लामा दैनिक लोडसेडिङ हुने भएको छ । नेपाल विद्युत प्राधिकरण जुम्ला वितरण केन्द्रले लोडसेडिङको तालिका सार्वजनिक गरेसँगै जिल्लाका विभिन्न ठाउँहरुमा दैनिक लोडसेडिङ हुने भएको हो ।

नेपाल विद्युत प्राधिकरण जुम्ला वितरण केन्द्रका अनुसार टुँडिखेल, बाहिनी, महतगाउँ, मिचा, गैरागाउँ र हस्पिटल क्षेत्रमा दिउँसो १२ बजेदेखि दिउँसो साढे १२ बजेसम्म र राति साढे नौ बजेदेखि मध्यरात १२ बजेसम्म लोडसेडिङ हुने भएको छ ।

प्राधिकरणले सार्वजनिक गरेको सूचनाअनुसार विजयनगर ठूलो, विजयनगर सानो, बोहरागाउँ र बसपार्क क्षेत्रमा मध्याह्न साढे १२ बजेदेखि राति साढे ९ बजेसम्म लोडसेडिङ हुनेछ ।

त्यस्तै, हरेक दिन बिहान २ बजेदेखि ५ बजेसम्म, ८ बजेदेखि १० बजेसम्म र ४ बजेदेखि ६ बजेसम्म पावरहाउस बन्द रहने छ । यो तालिकामाम उल्लेख बस्तीमा बिजुली नपुग्ने देखिएको छ । प्राधिकरणले पिक लोडको समयमा वितरण प्रणालीमा पावर अपुग भएमा ग्राहकहरुको लाइनसमेत काटिनसक्ने जनाएको छ ।

लामो समयपछि लोडसेडिङ तालिका सार्वजनिक भएको छ  । योसँगै देशका अन्य भाग वा जिल्लामा पनि लोडसेडिङ हुन सक्ने चिन्ता बढेको छ । अहिले विजुली वितरण भएका क्षेत्रमा लोडसेडिङ हटेको थियो । तर जुम्ला वितरण केन्द्रले मागअनुसार आपूर्ती नभएकोले लोडसेडिङ गर्नु परेको बताएको छ ।

प्रतिकृया दिनुहोस्