काठमाडौं । कोरोना भाइरस संक्रमणबाट नेपालमा १ हजार ९ सय १७ जनाको ज्यान गएको छ । आइतबार थप ५ जनाको ज्यान गएको पुष्टि भएसँगै यो संख्या पुगेको हो ।
स्वास्थ्य तथा जनसंख्या मन्त्रालयका अनुसार आइतबारसम्म नेपालमा कोरोना संक्रमणबाट २ लाख ६४ हजार ७ सय ८० संक्रमित भएका छन् । आइतबार थप २५९ जना कोरोना संक्रमित थपिएका थिए । पछिल्ला दिनमा कोरोना परीक्षण दर घटेसँगै संक्रमित पनि घट्दै गएका छन् । आइतबार ३३९९ जनाको पिसिआर परीक्षण भएको मन्त्रालयले जनाएको थियो ।
त्यसैगरी नेपालमा कोरोना संक्रमणमुक्त हुनेको संख्या बढ्दै गएको छ । आइतबारसम्म नेपालमा कोरोना संक्रमणमुक्त हुनेको संख्या २ लाख ५८ हजार ४ सय ४१ पुगेको थियो । आइतबार थप ५१३ जना संक्रमणमुक्त भएर सामान्य जीवनमा फर्किएका थिए ।
कुल संक्रमितको संख्या घटेपनि तुलनात्मक रुपमा काठमाडौं उपत्यकामै संक्रमितको संख्या बढी छ । कुल संक्रमित २५९ मध्ये काठमाडौं उपत्यकामा १२६ जना कोरोना संक्रमित थपिएका छन् । स्वास्थ्य मन्त्रालयका अनुसार काठमाडौंमा ९९, ललितपुरमा १८ र भक्तपुरमा ९ जना कोरोना संक्रमित थपिएका छन् ।
