काठमाडौं । अमेरिकी राष्ट्रपति डोनाल्ड ट्रम्पको सत्ता कब्जा गर्ने योजना असफल भएको छ । चुनावी परिणामलाई अस्वीकार गर्दै सजिलै सत्ता नछोड्ने बताउँदै आएका ट्रम्पले समर्थकलाई संसद भवनभित्र पसेर चुनावी परिणामको अन्तिम छिनोफानोलाई रोक्न आदेश दिएका थिए ।
बुधबार राति संसद भवन बाहिर समर्थकलाई भेला गरेर ट्रम्पले चुनावी परिणामलाई अ पहरण गरेको भन्दै नमान्ने घोषणा गरेका थिए । ट्रम्पको सम्बोधनपछि हतियारसहित उपस्थित भएको भिड संसद भवनभित्र पसेको थियो । संसद भवनका झ्याल ढोकाबाट समेत भित्र पसेका ट्रम्पका समर्थनकले नाराबाजी गर्नुको साथै सभामुख र अन्य कर्मचारीका कार्यकक्षलाई नियन्त्रण लिएका थिए ।
सत्ता कब्जा गर्न खोजिएपछि बुधबार बेलुकी ६ बजेदेखि संसद भवन कब्जा गर्ने प्रयास विहीबार विहानसम्मै क.र्फ्यू घोषणा गरिएको थियो । ट्रम्पका समर्थकले अमेरिकाको वासिङ्टन डिसीमा रहेको क्यापिटल बिल्डिङमा अमेरिकी राष्ट्रपति डोनाल्ड ट्रम्पका समर्थकले कब्जा गर्ने प्रयास गरेको अन्तर्राष्ट्रिय संचारमाध्यमहरुले बताएका छन् ।
सुरक्षाकर्मीले ट्रम्पका समर्थकमाथि भटाभट गोली चलाउन थालेपछि पछि हट्न बाध्य भएका थिए । सो ट्रम्पका एकजना समर्थकको ज्यान गएको छ । संसद भवन कब्जा गर्न नसकिने भएपछि ट्रम्पले समर्थकलाई घर फर्किन भनेका थिए । उनको यो कदमको चर्को विरोध भइरहेको मिट रम्नीले ट्रम्प स्वार्थी व्यक्ति भएको बयान दिए । ट्रम्पले लगातार धाँधलीको आरोप लगाउँदै चुनावको नतिजामाथि प्रश्न उठाउँदै आएका थिए
अमेरिकी कांग्रेसमा इलेक्टोरल कलेजको विषयमा बहस चलिरहेको बेला ट्रम्पका समर्थकरु एकाएक संसद भवनभित्र पसेका थिए । संसदमा चलेको बहस रोकिनुको साथै हंगामा मच्चिएको थियो ।
डोनल्ड ट्रम्पका समर्थकले चुनाव रद्द गर्ने माग गर्दै प्रदर्शन गरिरहँदा प्रदर्शनकारी र प्रहरीबीच झ.डप भएको थियो । स्थिती अनियन्त्रित भएपछि २७ सय नेशनल गार्डलाई क्यापिटल पठाइको छ।
द वासिङ्टन पोस्ट र सीएनएनका अनुसार झडपका क्रममा एक महिलाको मृत्यु भएको छ भने एक दर्जनभन्दा बढी ट्रम्पका समर्थक घाइते भएका छन् । ट्रम्पले असफल ‘कू’ प्रयास गरेको बताइएको छ ।
