News Portal

  • कोरोना कहरः ९ महिनापछि खुल्ने भए विद्यालय र फिल्म हल

    डबली संवाददाता२०७७ पुस २० गते
    २०६ पटक

    काठमाडौं । कोरोना भाइरसबाट बच्न भन्दै बन्द सबै शैक्षिक संस्था खोल्नु भएका छन् । २०७६ चैतदेखि बन्द भएका शैक्षिक संस्था र मनोरञ्जनका क्षेत्रहरु अब सञ्चालन गर्ने निर्णय भएसँगै अब केही दिनमै सबै क्षेत्र खुल्ने भएका छन् ।

    आइतबार बसेको कोभिड रोकथामसम्बन्धी उच्चस्तरीय निर्देशक समिति (सीसीएमसी ) को बैठकले विद्यालय लगायतका सबै क्षेत्रहरु सञ्चालन गर्न दिने निर्णय निर्णय गरेको थियो । स्वास्थ्य मापदण्डको पालना गरी सबै क्षेत्रका शैक्षिक संस्था खोल्न दिने निर्णयसँगै तयारी सुरु भएको छ । त्यसैगरी कोरोनाको नयाँ लहरको संक्रमण बढे जिल्ला तहबाटै बन्द गर्न सकिने सीसीसीएमसीले निर्णय गरेको छ ।

    आइतबार सीसीएमसी बैठकले निर्णयसँगै नीजि तथा सरकारी विद्यालयहरुले सञ्चालनको तयारी थालेका छन् । प्रधानमन्त्री तथा मन्त्रिपरिषदको कार्यालयका सचिव महेन्द्रप्रसाद गुरागाईंका अनुसार आवश्यक परे तत्कालै बन्द गर्न पाउने अधिकार जिल्ला कोभिड–१९ संकट व्यवस्थापन केन्द्रलाई दिएको छ ।

    लामो समयदेखि विद्यालयहरु सञ्चालनमा नआउँदा लाखौं बालबालिकाहरु अहिलेसम्म विद्यालय जान पाइरहेका थिएनन् । आइतबारको सीसीएमसी बैठकले विद्यालय खोल्न दिने निर्णय गरेता पनि विद्यालयहरु सञ्चालनमा आउन केही दिन लाग्न सक्छ ।

    आइतबार सीसीएमसीले गरेको निर्णय अब बस्ने मन्त्रिपरिषद बैठकले अनुमोदन गरेपछि कार्यान्वयनमा आउने सीसीएमसीले जनाएको छ ।

     

    प्रतिकृया दिनुहोस्