![](https://onlinedabali.com/wp-content/uploads/2020/07/corona-brazal.jpg)
काठमाडौं । नेपालमा पछिल्लो दिनमा कोरोना परीक्षण घटेसँगै संक्रमित पनि घटेका छन् । मंगलबार ६ हजार १३५ नमूना परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ । जसमा २७० महिला र ४३८ पुरुष गरी ७०८ जनामा कोरोना भाइरस (कोभिड(१९) संक्रमण देखिएको थियो ।
मन्त्रालयका अनुसार मंगलबारसम्म नेपालमा २ लाख ५९ हजार ५४९ जना कोरोना भाइरसबाट संक्रमित भइसकेका छन् ।
त्यसैगरी नेपालमा कोरोनाका सक्रिय संक्रमितको संख्या ६ हजारमा झरेको छ । मंगलबार थप ७३१ जना कोरोनामुक्त भएर डिस्चार्ज भएका छन् । योसँगै नेपालमा २ लाख ५१ हजार ३१२ जनाले कोरोना जितेर सामान्य जीवनमा फर्किएका छन् । अब ६ हजार ३९६ जना सक्रिय संक्रमित रहेको स्वस्थ्य तथा जनसंख्या मन्त्रालयले जनाएको छ । यो निको हुने दर ९६.८ प्रतिशत हो ।
कोरोना भाइरस संक्रमणबाट मंगलबार थप ८ जनाको ज्यान गयो । योसँगै नेपालमा १ हजार ८ सय ४० जनाको कोरोना संक्रमणबाट ज्यान गइसकेको छ ।
मंगलबारसम्म देशभर ३६५ जना क्वारेन्टिन रहेका छन् । त्यस्तै २२८ जना संक्रमितको आइसीयूमा र ४० जनाको भेन्टिलेटरमा उपचार भइरहेको मन्त्रालयले जनाएको छ ।