काठमाडौं । नेपालमा कोरोनाका सक्रिय संक्रमितहरु ८ हजारमा झरेका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १ हजार १७५ जना कोरोनामुक्त भएर डिस्चार्ज भएका छन् । योसँगै शनिबारसम्म देशभर ८ हजार ८४० सक्रिय संक्रमित रहेको मन्त्रालयले जनाएको छन् ।

त्यसैगरी पछिल्लो २४ घण्टामा थप ७१० जनामा कोरोना भाइरस (कोभिड-१९) को संक्रमण पुष्टि भएको छ । देशभरका प्रयोगशालामा ४ हजार ७८० नमूना परीक्षण गरिएको मन्त्रालयले जानकारी दिएको छ ।

नेपालमा कुल संक्रमितको संख्या २ लाख ५३ हजार १८४ पुगेको छ । उनीहरुमध्ये २ लाख ४२ हजार ५६७ संक्रमणमुक्त भएर डिस्चार्ज भइसकेका छन् ।

शनिबार थप  १२ जना कोरोना संक्रमितको ज्यान गएको छ । योसँगै नेपालमा १ हजार ७७७ जनाको ज्यान गएको स्वास्थ्य तथा जनसंख्या मन्त्रालयले जानकारी दिएको छ ।