चितवन । गृहमन्त्री रामबहादुर थापा ‘बादल’ले राजतन्त्रको पक्षमा सडकमा आन्दोलनमा उत्रिएका राजावादीहरुको सपना पूरा नहुने बताएका छन् । बादलले व्यवस्था परिवतर्नको माग गर्नेहरुको सपना पूरा नहुने समेत बताए ।
सोमबार चितवन पुगेका गृहमन्त्री बादलले पत्रकार भेटघाट कार्यक्रममा बोल्दै बादलले लामो समयको आन्दोलनपछि स्थापित लोकतान्त्रिक व्यवस्था सडकमा आन्दोलन गरेकै भरमा परिवर्तन नहुने दाबी समेत गरे । राजावादीलाई लक्षित गर्दै बादलले आन्दोलनमा कुनै योगदान नदिएका संगठनहरुले सडकमा प्रदर्शन गरेकै भरमा गणतन्त्रको विकल्प सोच्न नसकिने बताए ।
त्यसैगरी नेपाली काँग्रेसको विरोध प्रदर्शनले सरकारलाई कुनै असर नपर्ने बताए । काँग्रेसले सरकारविरुद्ध देशभर प्रदर्शन गरिरहँदा गृहमन्त्री बादलले त्यसले कुनै असर नपर्ने दाबी समेत गरे ।
पत्रकारसँगको भेटको क्रममा गृहमन्त्री बादलले विप्लव नेतृत्वको नेकपालाई गणतन्त्र विरोध शक्ति नभएको बताए । उनले सरकारले विप्लवलाई गणतन्त्र विरोधी नमानेको बताए ।
