काठमाडौं । अख्तियार दुरुपयोग अनुसन्धन आयोगका पूर्वप्रमुख आयुक्त दीप बस्न्यातलाई पुर्पक्षका लागि थुना पठाउने आदेश दिएको छ ।ललिता निवासको जग्गा व्यक्तिको नाममा दर्ता गरेको घटनामा दोषी देखाउँदै विशेष अदालतले आइतबार पुर्पक्षका लागि थुनामा पठाउने आदेश दिएको हो ।
भूमिसुधार मन्त्रालयको सचिव भएका बेला सरकारी जग्गा हिनामिनामा उनको भूमिका रहेको आरोप छ । अदालतका उपरजिस्ट्रार पुष्पराज पाण्डेयका अनुसार ९ करोड ६५ लाख रुपैयाँ विगो माग गरी अख्तियार दुरुपयोग अनुसन्धान आयोगले दायर गरेको मुद्दामा अदालतका अध्यक्ष न्यायाधीश प्रेमराज कार्की, न्यायाधीशद्वय अब्दुल अजिज मुसलमान र नित्यानन्द पाण्डेयको इलजासले बस्न्यातलाई थुनामा पठाउने आदेश दिएको छ ।
त्यसैगरी अख्तियारको प्रमुख हुने बेला पनि कमिसन तथा घुस लिएर भ्रष्टलाई उन्मुक्ति दिएको आरोप पनि बस्न्यतमाथि लाग्दै आएको छ ।
