News Portal

  • ट्रम्पले ह्वाइट हाउस छोड्ने तर हार नस्वीकार्ने, अर्को चुनावमा लड्ने

    डबली संवाददाता२०७७ं मंसिर १९ गते
    ३०६ पटक

    काठमाडौं । अमेरिकाका वर्तमान राष्ट्रपति डोनल्ड ट्रम्पले हार नस्वीकार्ने तर ह्वाइट हाउस भने छोड्ने संकेत गरेका छन् । यसअघि उनले चुनावमा धाँधली भएको भन्दै सजिलै ह्वाइट हाउस नछोड्ने बताउँदै आएका थिए ।

    अहिले भने ट्रम्पले आफ्नो भनाई फेरेका छन् । उनले चार वर्षपछि फेरि चुनावी मैदानमा आउने बताएका छन् । उनले ह्वाइट हाउसमा फर्कनका लागि सन् २०२४ मा चुनाव लड्ने संकेत गरेका छन् । यो भनेको ह्वाइट हाउस सजिलै छोड्ने संकेत हो ।

    सन् २०२४ को चुनावको लागि पार्टीभित्रको प्रारम्भिक चुनावी अभियान शुरु गर्ने ट्रम्पले संकेत गरेको अमेरिकी सञ्चारमाध्यम फक्स न्यूजले जनाएसको छ । हालै सम्पन्न राष्ट्रपति निर्वाचन डेमोक्रेट उम्मेदवार जो बाइडनले जितेको तथ्यलाई नस्वीकार्ने भन्दै ट्रम्पले सन् २०२० को निर्वाचन परिणामका विरुद्धमा २०२४ सम्मै अभियान जारी नै राख्ने बताए ।

    ह्वाइट हाउसमा रिपब्लिकन नेशनल कमिटीका सदस्यका लागि आयोजना गरिएको एक पार्टीमा ट्रम्पले आफ्नो चार वर्ष गज्जवको रहेको र अर्को चार वर्ष पनि त्यस्तै बनाउने प्रयास जारी रहेको उल्लेख गर्दै त्यसो हुन नसके अर्को चार वर्षमा भए पनि गर्ने बताए ।

    यद्यपि, थ्याङ्सगिभिङ पर्वका दिन पत्रकारहरुसँग सन् २०२४ को चुनावबारे अहिले केही नबताउने भनेका ट्रम्पले आफ्ना सल्लाहकारहरुसँग भने अर्को चार वर्षको लागि आफू चुनावी अभियान जारी राख्ने बताएका छन् ।

    ट्रम्पको पछिल्लो अभिव्यक्तिले नवनिर्वाचित राष्ट्रपति जो बाइडनलाई जनवरी २० मा सहजै ह्वाइट हाउसको नेतृत्व सुम्पने देखिएको अन्तर्राष्ट्रिय  संचारमाध्यमहरुले जनाएका छन् ।

    प्रतिकृया दिनुहोस्