सुर्खेत । सत्तारुढ नेपाल कम्युनिस्ट पार्टी (नेकपा)को केन्द्रमा देखिएको विवादको नकारात्मक असर जिल्लामा पर्न थालेको छ । जिल्लामा पार्टी एकता नटुंगिँदै विवाद सुरु भएपछि जिल्ला नेताहरु निरास हुँदै अन्य पार्टीमा प्रवेश गर्न थालेका छन् ।
एकता प्रक्रिया बाँकी नै रहेका कारण जिल्लाका नेता कार्यकर्ता कामविहीन भएका छन् । लामो समयदेखि पार्टी बैठक तथा कमविहीन भएपछि कार्यकर्ताहरु अन्य पार्टीमा प्रवेश गर्न थालेका हुन् ।
जुम्लाको हिमा गाउँपालिकामा (नेकपा) परित्याग गरी एक दर्जन नेता-कार्यकर्ताहरु काँग्रेसमा प्रवेश गरेका छन् । काँग्रेस जुम्लाका युवा नेता लक्ष्मण शाहीका अनुसार हिमा गाउँपालिकाको वडान-१ का (नेकपा) का स्थानीय नेता अलि शाही,जयलाल अधिकारी,हर्कमान सार्कि, गुम सार्की,धर्म राेकाया, झुमा राेकाया, बेटना शाहीलगायत काँग्रेसमा प्रवेश गरेका छन् । नवप्रवेशीहरुलाई काँग्रेस जुम्लाले स्वागत गरेको छ ।
उनीहरुले (नेकपा) जनताको पक्षमा नलागी आन्तरिक विवादमा फसेको र जिल्लाका नेता कार्यकर्तालाई वेवास्ता गर्ने गरेका कारण आफूहरु काँग्रेसमा प्रवेश गरेको बताएका थिए ।
