News Portal

  • कोरोना संक्रमणबाट विहानै थप तीन जनाको ज्यान गयो

    डबली संवाददाता२०७७ मंसिर १७ गते
    १३४ पटक

    काठमाडौं । कोरोनाका कारण दाङ र गुल्मीमा गरी थप तीन जनाको ज्यान गएको छ । दाङको तुलसीपुर उपमहानगरपालिका-६ का ५६ वर्षीय पुरुषको बुधबार बिहान करिब ५ बजे उपचारको क्रममा नेपालगंजमा निधन भएको हो ।

    कोरोना परीक्षण गराउँदा मंसिर ७ गते संक्रमण पुष्टि भएको थियो । उनको भेरी अस्पतालको कोभिड-१९ आइसोलेसनमा भर्ना भएका थिए । जिल्ला स्वास्थ्य कार्यालय बाँकेका अनुसार उनको स्वास्थ्यमा गम्भीर समस्या देखिएपछि अक्सिजन थेरापी र प्लाज्मा थेरापीसमेत गरिएको थियो ।

    त्यसैगरी पाल्पा र स्याङजाका थप एकएकजना कोरोना संक्रमितको उपचारको क्रममा ज्यान गएको छ । उनीहरुको उपचारको क्रममा बुधबार विहान पाल्पामा निधन भएको हो ।

    पाल्पाको बगनासकाली गाउँपालिका-१ का ३८ वर्षीय पुरुषको बुधबार विहान निधन भएको छ । मंसिर १२ गते कोरोना संक्रमण पुष्टि भएपछि १४ गते अस्पताल भर्ना गरेर उपचार सुरु गरिएको थियो ।

    त्यस्तै, स्याङजाको गल्याङ नगरपालिका-४ का ३९ वर्षीय पुरुषको लुम्बिनी मेडिकल कलेज प्रभास पाल्पामा उपचारका क्रममा बुधबार बिहान निधन भएको छ । मंसिर १ गते अस्पताल भर्ना भएका उनमा मंसिर २ गते कोरोना संक्रमण पुष्टि भएको थियो ।

    प्रतिकृया दिनुहोस्