अछाम । कोरोना भाइरस संक्रमणबाट जिल्लामा पहिलो पटक स्वास्थ्यकर्मीको ज्यान गएको छ । संक्रमितको उपचारमा खटिएका सिनियर अहेबको मृत्यु भएको हो ।
अछामको तुर्माखाँद गाउँपालिका वडा नम्बर १ मा रहेको रहफ स्वास्थ्य चौकीका इन्चार्ज रहेका अहेब कपिल श्रेष्ठको कोरोना संक्रमणबाट निधन भएको हो । उनको उपचारको क्रममा शुक्रवार दिउँसो सेती प्रादेशिक अस्पतालको कोरोना अस्थाीय अस्पतालमा निधन भएको हो ।
धनगढी उपमहानगरपालिका वडा नम्बर ५ घर भएका ५५ वर्षीय श्रेष्ठ कोरोना संक्रमण पुष्टि भएसँगै कार्तिक २५ गतेबाट अस्पताल भर्ना भएका थिए । उनको भेन्टिलेटरमा गरिएपनि बचाउन नसकिएको अस्पतालले बताएको छ ।
२०७६ कार्तिक २१ गते देखि उनी अछामको रहफ स्वास्थ्य चौकीका इन्चार्जका रूपमा कार्यरत श्रेष्ठ दसैँ बिदामा धनगढी घर आएका थिए । दसैँ मनाएर अछाम फर्किए लगत्तै उनको स्वास्थ्यमा समस्या देखिएको थियो । उनी फेरि धनगढी फर्किएर कोरोना परीक्षण गराएका थिए ।
कोरोना भाइरसको संक्रमणबाट ज्यान गुमाउने श्रेष्ठ प्रदेशकै पहिलो स्वास्थ्यकर्मी भएको सुदूरपश्चिमको सामाजिक विकास मन्त्रालयले जनाएको छ । उनको कैलालीको गोदावरी आर्य घाटमा नेपाली सेनाले शुक्रवार हिन्दु संस्कार अनुसार अत्यष्टी गरिसकेको छ ।
- भुलबस अन्य फोटो पोष्ट भएकोमा क्षमा चाहन्छौं
