काठमाडौं । काठमाडौं उपत्यकासहित देशभर थप १ हजार ६७४ जनामा कोरोना भाइरस (कोभिड-१९) को संक्रमण पुष्टि भएको छ । पछिल्लो २४ घण्टामा देशभरका प्रयोगशालामा ८ हजार १४४ नमुना परीक्षण गर्दा ६६१ महिला र १०१३ पुरुषमा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
शनिबार काठमाडौं उपत्यकामा ८ हजार ९९ जनामा कोरोना संक्रमण भएको मन्त्रालयले जानकारी दिएको छ । उनीहरुमध्ये काठमाडौंका ६८५ जना, ललितपुरका १६५ र भक्तपुरका ४९ जनामा कोरोना संक्रमण भएको छ ।
शनिबार थपसँगै कुल संक्रमितको संख्या २ लाख १८ हजार ६३९ पुगेको छ । त्यस्तै पछिल्लो २४ घण्टामा थप २ हजार ३२३ जना कोरोनामुक्त भएका छन् । योसँगै अब कोरोनामुक्त हुनेको संख्या १ लाख ९३ हजार ३२५ पुगेको छ । हाल देशभर २४ हजार ९ सक्रिय संक्रमित रहेको मन्त्रालयले जनाएको छ । उनीहरुमध्ये १७ हजार २०६ जना होम आइसोलेसनमा छन् भने ३३६ जना आईसीयूमा र ४७ जनाको भेन्टिलेटरमा उपचार भइरहेको छ ।
काठमाडौंपछि लिलितपुरमा १६५ जनामा कोरोना संक्रमण भएको छ । त्यस्तै, कास्कीका ७५ जना, चितवनका ६१, झापा र रुपन्देहीका ५७/५७ जना, काभ्रेका ५६, तनहुँका ४४, कैलालीका ४०, बाँकेका ३९, कपिलवस्तु र नवलपरासीका ३३/३३ जना, नवलपुरका २८, मकवानपुरका २५, पाल्पाका १९, धादिङका १८, बर्दियाका १७, धनुषाका ११, दाङका १०, गोरखाका ९ र नुवाकोटका ८ जना, धनकुटा, सिराहा, सिन्धुपाल्चोक, बाग्लुङ, स्याङ्जा र रोल्पाका ७/७ जना, पर्वत, डडेलधुरा र बझाङका ६/६ जना, सुनसरी, बारा र लमजुङका ५/५ जना, इलाम, सर्लाही, रामेछाप, अर्घाखाँची, गुल्मी, दैलेख र सल्यानका ४/४ जनामा कोरोना संक्रमण भएको छ ।
त्यसैगरी महोत्तरी, दोलखा, म्याग्दी, प्युठान, अछाम र कञ्चनपुरका ३/३ जना, उदयपुर, सप्तरी र सिन्धुलीका २/२ जना तथा खोटाङ, भोजपुर, सोलुखुम्बु, रुकुम पूर्व, रुकुम पश्चिम, सुर्खेत, बाजुरा र बैतडीका १/१ जनामा पनि संक्रमण देखिएको मन्त्रालयले जनाएको छ ।
