काठमाडौं । नेपालमा पछिल्लो २४ घण्टामा थप १ हजार ४ सय ४२ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज ६ हजार ७३१ नमूना परीक्षण गर्दा ९०८ पुरुष र ५३४ जना महिलामा संक्रमण पुष्टि भएको हो ।
बुधबार थप भएसँगै नेपालमा कोरोना भाइरस संक्रमितको संख्या २ लाख १२ हजार ९१७ पुगेको छ ।
पछिल्लो २४ घण्टामा ३५३८ जना कोरोना भाइरस संक्रमणमुक्त भएका छन् । हालसम्म १ लाख ८२ हजार ७८० जना संक्रमणमुक्त भएका छन् । देशभर सक्रिय संक्रमितको संख्या २८ हजार ८७८ रहेको छ ।
त्यसैगरी बुधबार थप १२ जनाको कोरोना भाइरस संक्रमणाट ज्यान गएको छ । योसँगै नेपालमा अब कोरोनाबाट ज्यान गुमाउनेको संख्या १ हजार २५९ पुगेको छ ।
