काठमाडौं । कोरोना भाइरस थप १७ जनाको ज्यान गएको छ । स्वास्थ्य तथा जनसंख्या मन्त्रलायका अनुसार गएको बितेको २४ घण्टामा देशका विभिन्न अस्पतालमा उपचाररत संक्रमितको निधन भएको हो । योसँगै नेपालमा कोरोनाबाट १ हजार २ सय ४७ जनाले ज्यान गुमाएका छन् ।
त्यसैगरी आज थप ५०२ जनामा कोरोना संक्रमण पुष्टि भएको छ । तिहारसँगै पीसीआर परीक्षणकमा कमी आएसँगै संक्रमित पनि घटेका हुन् । मंगलबार देशभर ३ हजार ११२ जनाको स्वाब मात्रै परीक्षण गरिएको मन्त्रालयले जानकारी दिएको छ । योसँगै नेपालमा कुल संक्रमित संख्या २ लाख ११ हजार ४७५ पुगेको छ ।
त्यस्तै, थप २ हजार ८७८ जना संक्रमणमुक्त भएका छन् । १ लाख ७९ हजार २४२ जनाले कोरोना जितर सामान्य जीवनमा फर्किएका छन् । कोरोना निको हुने दर ८४.८ प्रतिशत रहेको मन्त्रालयले जनाएको छ ।
संक्रमित घटेसँगै सक्रिय संक्रमित पनि घटेका छन् । मंगलबार देशभर ३० हजार ९८६ जना सक्रिय संक्रमित रहेको स्वास्थ्य तथा जनसंख्या मन्त्रालयले जानकारी दिएको छ ।
काठमाडौं उपत्यकामा संक्रमण दर घटेको छैन । मंगलबार देशभर ५०२ जना संक्रमित हुँदा काठमाडौं उपत्यकामा ३३९ जना संक्रमित थपिएका छन् ।
