काठमाडौं । कोरोनाभाइरसबाट थप १ हजार १ सय ९७ जना संक्रमित भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा ४ हजार ८३२ नमुना परीक्षण गर्दा उनीहरुमा संक्रमण पुष्टि भएको हो ।
सोमबार थपसहित कुल संक्रमितको संख्या २ लाख १० हनार ९७३ पुगेको छ । संक्रमितमध्ये १ लाख ७६ हजार ३६४ जना संक्रमणमुक्त भएका छन् । मन्त्रालयका अनुसार पछिल्लो २४ घण्टामा मात्र २ हजार ९ सय ४३ जना क्रमणमुक्त भएर डिस्चार्ज भएका छन् । सोमबारसम्म देशभर ३३ हजार ३७९ सक्रिय संक्रमित रहेको मन्त्रालयले जानकारी दिएको छ ।
त्यसैगरी देशभर ९ जना संक्रमितको ज्यान गएको छ । योसँगै नेपालमा कोरोना भाइरस संक्रमणबाट ज्यान गुमाउनेको संख्या १ हजार २३० पुगेको छ ।
सबैभन्दा काठमाडौं उपत्यकामा संक्रमित रहेका छन् । मन्त्रालयका अनुसार सोमबार थप ५०१ सहित कोरोनाभाइरसबाट काठमाडौं उपत्यकामा ९७ हजार १५९ जनामा संक्रमित भइसकेका छन् । जसमा काठमाडौंमा ७८ हजार ६५०, भक्तपुरमा ७ हजार १३० र ललितपुरमा ११ हजार ३७९ जना रहेका छन् ।
त्यसैगरी निको हुनेको संख्या पनि काठमाडौंमै धेरै छ । काठमाडौंमा ६४ हजार ७०, भक्तपुरमा ५ हजार ८६६ र ललितपुरमा ९ हजार ८९ जना निको भएर डिस्चार्ज भएका छन् । सोमबारसम्म काठमाडौंमा १४ हजार २७९, भक्तपुरमा १ हजार १८८ र ललितपुरमा २ हजार २०४ जना सक्रिय संक्रमित रहेका छन् ।
कोरोनाबाट ज्यान गुमाउने पनि सबैभन्दा धेरै काठमाडौंमै छन् । विभिन्न समयमा काठमाडौंमा ३०१ कोरोना संक्रमितको ज्यान गइसकेको छ । त्यस्तै, भक्तपुरमा ७६ र ललितपुरमा ८६ जनाले ज्यान गुमाएका छन् ।
मन्त्रालयका अनुसार सोमबारसम्म १ हजार १३ जना क्वारेन्टिनमा रहेका छन् भने संक्रमितमध्ये २८ हजार ३६० जना होम आइसोलेशनमा रहेका छन् ।
सोमबार मनाङ जिल्ला मात्रै कोरोना भाइरस संक्रमणमुक्त रहेको स्वास्थ्य मन्त्रालयले जनाएको छ ।
