काठमाडौं । कोरोना भाइरस संक्रमणबाट नेपालमा ज्यान गुमाउनेको संख्या ११ सय नाघेको छ । स्वास्थ्य तथा जनसंख्या मन्त्रालयका अनुसार आइतबार थप २१ जनाको ज्यान गएको छ । योसँगै नेपालम कोरोना भाइरस संक्रमणबाट ज्यान गुमाउनेको संख्या १ हजार १ सय ८ पुगेको छ ।
त्यसैगरी बितेको २४ घण्टामा थप २ हजार ८१७ जनामा कोरोना भाइरस संक्रमण पुष्टि भएको छ । कुल संक्रमितको संख्या १ लाख ९४ हजार ४५३ पुगेको छ । जसमध्ये १ लाख ५७ हजार ९२६ निको भएका छन् । मन्त्रालयका अनुसार आइतबार थप २ हजार ८ सय १२ जना कोरोनामुक्त भएर डिस्चार्ज भएको स्वास्थ्य मन्त्रालयले जानकारी दिएको छ ।
मन्त्रालयका अनुसार आइतबार देशभर ३५ हजार ४१९ जना सक्रिय संक्रिमतका छन् । मनाङ र बाजुरा जिल्ला कोरोनामुक्त भएका छन् । अहिले त्यहाँ एकजना पनि सक्रिय संक्रमित छैनन् ।
आइतबार सबैभन्दा बढी संक्रमित काठमाडौंमा भेटिएका छन् । पछिल्लो २४ घण्टामा काठमाडौं उपत्यकामा १५३३ जनामा संक्रमण पुष्टि भएको छ । जसमा काठमाडौं जिल्लामा १२९४, भक्तपुरमा ७७ र ललितपुरमा १६२ जना रहेका छन् ।
