काठमाडौं । पूर्वसभामुख कृष्णबहादुर महराकी पत्नी सीता महराको कोरोना भाइरस संक्रमणका कारण निधन भएको छ । केही दिनदेखि गम्भीर बिरामी परेकी सीताको बुधबार विहान ६ः२५ बजे उपचारको क्रममा निधन भएको हो ।
सीतालाई दशैंमा रोल्पस्थित घर भएको बेला बिरामी थियो । कात्तिक १३ गते दाङस्थित गोर्खा अस्पतालमा भर्ना गरिएको थियो । स्वास्थ्यमा सुधार नभएपछि १४ गते शुक्रबार हेलिकोप्टरबाट काठमाडौं ल्याई नर्भिक अस्पतालमा भर्ना गरिएको थियो ।
नर्भिक अस्पतालमा पीसीआर टेष्ट गर्दा उनमा कोरोना पोजेटिभसमेत देखिएको थियो । त्यसपछि १५ गतेदेखि भेन्टिलेटरमा राखेर उपचार सुरु गरिए पनि स्वास्थ्यमा सुधार हुन सकेको थिएन ।
