आज :

ललितपुर सेक्रेटरी सावित्रा र केन्द्रीय सदस्य प्रविनलाई रिहा नगरे प्रतिवाद गर्ने नेकपाको चेतावनी

काठमाडौँ । नेपाल कम्युनिस्ट पार्टीले ललितपुर सेक्रेटरी सावित्रा अधिकारी ‘विदुषी’ र युवा संगठनका केन्द्रीय सदस्य प्रविन धामीलाई रिहा नगरे प्रतिवाद गर्ने चेतावनी दिएको छ । उपत्यका विशेष ब्युरो इन्चार्ज मिलनले एक विज्ञप्ति जारी गरेर विदुषीको गि रफ्तारीप्रति आपत्ति जनाउँदै रिहा नगरे कडा प्रतिवाद गर्ने चेतावनी दिएका छन् ।

”हाम्रो पार्टीका ब्युरो सदस्य तथा ललितपुर सेक्रेटरी कमरेड विदुषीलाई हिजो राती कात्तिक १५ गते साँझ आठ बजे प्रहरीले गि’रफ्तार गरेको छ । राज्यको यस प्रकारको कार्यको घोर विरोध गर्दै कमरेड विदुषीको तत्काल रिहाइको जोडदार माग गर्दछ । नेपाली जनताका विरुद्ध राज्यको हरप्रकारका गलत र घृणित कार्यको पार्टीले डटेर प्रतिवाद गर्ने कुरा स्पस्ट पार्दै त्यस प्रकारको परिस्थितिबाट उत्पन्न हुने परिवेशको जिम्मेवारी फासिवादी केपी नेतृत्वको दलाल पुँजीवादी सरकार नै हुनेछ” इन्चार्ज मिलनद्वारा जारी विज्ञप्तिमा उल्लेख छ ।

पार्टीमाथि प्रतिबन्ध लगाइसकेपछि गृहप्रशासनले देशभर पार्टीका नेता तथा कार्यकर्ता, समर्थक, शुभचिन्तक र सर्वसाधारण जनतामाथि गि’रफ्तार गर्ने, झुट्टा मुद्दा लगाउने, जेल–हिरासत घुमाउने, अनावश्यक घर खानतलासी गर्ने, परिवारका सदस्यहरूलाई मानसिक यतना दिनेजस्ता अलोकतान्त्रिक र निर्लज्ज, गलत र घृणित कार्यको पार्टीले डटेर प्रतिवाद गर्ने मिलनले चेतावनी दिएका छन् ।

नेकपा बझाङले एक विज्ञप्ति निकाले पार्टीका जिल्ला सचिवालय सदस्य समेत रहेका धामीको गि रफ्तारीको विरोध जनाएको छ । जिल्ला इन्चार्ज विराट र सेक्रेटरी हरिलालले विज्ञप्ति निकाले र धामीलाई रिहा नगरे प्रशासनका यस्ता हर्कतको प्रतिवाद गर्ने चेतावनी समेत दिएका छन् ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal