काठमाडौं । नेपालमा थप १ हजार ९५४ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८ हजार २४८ जनाको पीसीआर परीक्षण हुँदा १ हजार ९५४ जनामा संक्रमण पुष्टि भएको छ ।
बुधबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा. जागेश्वर गौतमले काठमाडौं उपत्यकामा थप ८४३ जनामा कोरोना संक्रमण पुष्टि भएको जानकारी दिए । जसमा काठमाडौंमा ६९६, भक्तपुरमा २९ र ललितपुरमा ११८ गरी सो संख्यामा संक्रमित पुष्टि भएको छ ।
त्यसैगरी बुधबार थप २ हजार ९८१ जनाले कोरोना जितेर घर फर्किएका छन् । योसँगै नेपालमा सक्रिय संक्रमितको संख्या घटेको छ । केही दशैं अघि लगातार बढेका थिए भने बधुबार त्यो संख्या घटेको छ । मन्त्रालयका प्रवक्ता गौतमका अनुसार सक्रिय संक्रमितको संख्या ३९ हजार ६४३ रहेको छ।
त्यसैगरी नेपालमा कोरोना जितेर डिस्चार्ज हुनेको संख्या १ लाख २१ हजार ८२४ पुगेको छ । जसमा संस्थागत आइसोलेशनमा ७ हजार ७०९ र होम आइसोलेशनमा ३१ हजार ९३४ रहेका छन् ।
आज नेपालमा कोरोनाका कारण थप ११ जनाको ज्यान गएको स्वास्थ्य तथा जनसंख्या मन्त्रालयले जनाएको छ। योसँगै नेपालमा कोरोनाका कारण ज्यान गुमाउनेको संख्या ८८७ पुगेको छ ।
