News Portal

  • दशैंको अबसरमा प्रधानमन्त्रीको शुभकामनाः टिका लगाउँदा धेरै नजिक नआउनुस्

    डबली संवाददाता
    २२६ पटक

    काठमाडौं । प्रधानमन्त्री केपी शर्मा ओलीले दशैंको अबसरमा शुभकामना दिँदै अनावश्यक रुपमा नजिक नआउन आग्रह गरेका छन् । प्रधानमन्त्री ओलीले आफ्ना मान्यजनसँग टीका, जमरा ग्रहण गर्ने क्रममा अनावश्यक नजिकिँदा हुन सक्ने सम्भावित संक्रमणको खतरा ख्याल गर्न सुझाव दिएका छन् ।

    अहिले कोरोना महामारीको विषम परिस्थितिमा चाडलाई विगतभन्दा फरक ढंगले मनाउनु परेको जनाउँदै प्रधानमन्त्रीले ज्येष्ठ नागरिक, बालबालिका र कमजोर स्वास्थ्य अवस्थाका व्यक्तिमा संक्रमणको सम्भावना ज्यादा हुने भएकाले यसप्रति विशेष सजग भएर नै दशैं मनाउन सबैमा आग्रह गर्दै जो जहाँजहाँ छौं, त्यहीँत्यहीँ रहेर मनाउन अनुरोध गरेका छन् ।

    त्यसैगरी प्रधानमन्त्रीले फजूल खर्च नगर्न र जो जहाँ छ, त्यहीँ रहेर दशैं मनाउन आह्वान गरेका छन् । औचित्य र आवश्यकताको वास्तै नगरी आफ्नो सामर्थ्यको समेत ख्याल नगरी आँखा चिम्लिएर उत्सव मनाउने वा फजूल खर्चमा हौसिने जस्ता अभ्यास कुनै पनि कोणबाट उचित होइन भन्दै प्रधानमन्त्री ओलीले यस्ता अभ्यासलाई सच्याएर हाम्रा चाडपर्वलाई मितव्ययी बनाउन आह्वान गरेका छन् ।

    संक्रमणको सम्भावित खतरालाई ध्यानमा राखी प्रधानमन्त्री निवासमा हुने ‘बडादशैंको सार्वजनिक टीका कार्यक्रम’ नराख्न निर्देशन दिइएको पनि उनले जानकारी दिएका छन् ।

    प्रतिकृया दिनुहोस्