काठमाडौँ । सामाजिक अभियन्ता एवम् राष्ट्रिय जागरण मञ्चका सचिव नरबहादुर कार्कीलाई लिएर २४ घन्टाभित्र उपस्थित हुन सर्वोच्च अदालतले आइतबार विपक्षीका नाममा आदेश जारी गरेको छ ।
गैरन्यायीक रुपमा कार्कीलाई थुनामा राखेको भन्दै रिहाइको माग गर्दै आइतबार सर्वाेच्च अदालतमा परेको बन्दी प्रत्यक्षीकरण रिटमाथि सुनुवाइ गर्दै सर्वोच्चले यस्तो आदेश जारी गरेको हो । क्रान्तिकारी पत्रकार संगठन नेपालका उपाध्यक्ष जन्मदेव जैसीले दायर गरेको रिटमाथि सुनुवाई गर्दै सर्वाेच्च अदालतका न्यायाधीश प्रकाशकुमार ढुङ्गानाको एकल इजलासले सो आदेश गरेको हो ।
प क्राउ गर्नुको कारण स्पष्ट खुलाई २४ घन्टाभित्र बन्दीसहित लिखित जबाफ लिएर सर्वाेच्च अदालतमा उपस्थित हुन आदेशमा भनिएको छ ।
राष्ट्रिय जागरण मंचका सचिव समेत रहेका कार्कीलाई कात्तिक ६ गते २१ राजनीतिक सङ्गठनद्वारा काठमाडौँमा आयोजित शान्तिपूर्ण कार्यक्रमबाट प्रहरीले गि रफ्तार गरेको थियो । कार्की स्थापित अन्तर्राष्ट्रिय जीवनवादी प्रशिक्षक हुन् ।
शान्तिपूर्ण रूपमा आयोजना गरिएको कार्यक्रमस्थलबाटै गरिएको कार्कीको गिरफ्तारीको घोर भत्र्सना गर्दै अविलम्ब रिहाइको मागसहित विभिन्न राजनीतिक दल, नागरिक समाज, पत्रकार र बुद्धिजीवीहरूले सरकारसँग माग गर्दै आएका छन् । २१ सङ्गठनको कार्यगत एकताका तर्फबाट सीपी गजुरेललगायतले विज्ञप्ति जारी गरी कार्कीको रिहाइको माग गरेका थिए ।
