काठमाडौँ । पछिल्लो २४ घण्टामा देशभर थप ५ हजार बढि संक्रमित थपिएको छन् । स्वास्थ्य तथा जनसंख्या मन्त्रालयले नियमित प्रेश बिफिङमा देशभर थप ५ हजार ७ सय ४३ जना संक्रमित थपिएको जानकारी गराएको हो । यो सहित हाल सम्म नेपालमा संक्रमित हुने एक लाख ४४ हजार ६७२ पुगेको छ ।
आज २६ जनाको ज्यान गएको छ । स्वास्थ्य तथा जनसंख्या मन्त्रालयले नियमित प्रेश बिफिङमा देशभर आजको सहित हाल सम्म आजको सहित ७९१ जनाको ज्यान गएको जनाएको छ ।
स्वास्थ्य मन्त्रालयका प्रवक्ता डा जागेश्वर प्रवक्ता गौतमका अनुसार आज २९ सय ९६ जना निको भएर घर गएको छन् । यो सहित हाल सम्म निको हुनेको सँख्या ९९ हजार ६ जना रहेको छन् ।
नेपालमा हाल सक्रिय संक्रमितको संख्या ४४ हजार ४७४ जना पुगेको छ । हाल सम्म करेन्टाइन्मा ४ हजार ६५ जना रहेको छन् । हाल सम्म नेपालमा १३ लाख ३४ हजार ८९७ जनाको पिशियार परिक्षण गरिएको छ ।
यसैबिच काठमाडौ उपत्यकामा चाडपर्वको समयमा कालोबजारी र मापदण्ड विपरीत काम गरे नगरेको अनुगमन गर्ने क्रममा जिल्ला प्रशासन कार्यालय काठमाडौंले तीनवटा औषधि पसल र २४ वटा सवारी साधनलाई आज कारबाही गरेको छ ।
ती औषधि पसललाई कमजोरी सुधार गरी सोको रिपोर्ट प्रशासनमा बुझाउन निर्देशन दिइएको छ । अनुगमनको क्रममा ती औषधि पसलले स्वास्थ्य मापदण्ड विपरीत काम गरेको पाइएपछि कारबाही गरिएको जिल्ला प्रशासन कार्यालय काठमाडौंका प्रशासकीय अधिकृत कमल पाण्डेले जानकारी दिए ।
त्यस्तै, प्रशासनको टोलीले लामो दुरीका सवारीको टिकट काउन्टरमा पनि अनुगमन गरेको थियो । जसमा स्वास्थ्य मापदण्ड लागू नगरेका २४ वटा सवारी साधनलाई कारबाही गरिएको छ ।