धनगढी । अछामको तुर्माखाद गाउँपालिकाका अध्यक्ष पुष्पराज शर्मा नेकपाको जनअदालतमा उपस्थित भएका छन् । कोरोनाको नाममा व्यापक अनियमितता भएको भन्ने गुनासो आएपछि नेकपा अछामले शर्मालाई उपस्थित हुन भनेको थियो ।
नेकपा अछामले शुक्रबार गाउँपालिका अध्यक्ष शर्मासँग काेराेना महामारी राेकथामको लागि भएकाे खर्चसँगै अन्य विकास निर्माणमा अनियमितताबारे सोधपुछ गरेको थियो । शर्माले खर्चको विस्तृत विवरण नेकपालाई बुझाउने बताएका थिए ।
सम्पर्कमा आएर आफ्ना कुरा राखेपछि अध्यक्ष शर्मलाई छोडिएको नेकपा अछामले बताएको छ । शर्मलाई एक हप्ताभित्र गाउँपालिकामा भएको खर्चको हिसाब किताब दिन समेत नेकपाले भनेको छ ।
कोरोना नियन्त्रणको लागि अछाममा ११ करोड २ लाख ७३३ रुपैयाँ खर्च भएको विवरण सार्वजनिक भएको थियो । त्यसमध्ये तुर्माखाँदमा गाउँपालिकामा मात्र १ कराेड ६ लाख ६२ हजार दुई सय १६ रुपैयाँ खर्च भएको असाेजमा सार्वजनिक गरिएको थियो । सोही विषयमा व्यापक जनगुनासो आएपछि गाउपालिका अध्यक्ष शर्मालाई जनअदालतमा हाजिर गराई सोधपुछ गरेको जिल्ला जनपरिषद् प्रमुख सौगातले बताए ।
सबै तहको अध्यायन र अनुगमन गरिरहेको र यदी अनियमितता गरेको भेटिएमा जनकारवाही गर्ने प्रमुख सौगातले बताए ।
