आज :

कोरोना संक्रमणबाट मंगलबार विहानै थप ४ जनाको निधन

काठमाडौं । कोरोना भाइरस संक्रमणबाट मोरङ, सुनसरी र नवलपरासीका थप तीन जनाको ज्यान गएको छ । नोबेल मेडिकल कलेज बिराटनगरमा उपचाररत मोरङ कानेपोखरी गाउँपालिका–६ र सुन्दरहरैचा नगरपालिका–४ का पुरुषको निधन भएकोहो ।

कानेपोखरीका ५० वर्षीय पुरुषको बिहान करिब ३ बजे निधन भएको नोबेल मेडिकल कलेजका प्रबन्धक नारायण दाहालले बताए । मृतक ब्लड क्यान्सरका बिरामी थिए । सोमबार दिउँसो उपचारका लागि नोबेल ल्याइएका उनलाई ज्वरोको पनि समस्या थियो । उनी पाँच वर्षदेखि ब्लड क्यान्सरको उपचार गराइरहेका उनलाई कोरोना पुष्टि भएपछि आइसोलेसनको भेन्टिलेटरमा राखेर उपचार थालिएको थियो ।

सुन्दरहरैचाका ४५ वर्षीय पुरुषको पनि मंगलबार बिहान निधन भएको अस्पतालले जनाएको छ । उनमा ६ दिनअघि कोरोना संक्रमण पुष्टि भएको थियो ।  उनी मधुमेहका बिरामी थिए ।

त्यसैगरी बीपी कोइराला स्वास्थ्य विज्ञान प्रतिष्ठान धरानमा उपचाररत कोरोना भाइरस संक्रमित एक वृद्ध पुरुषको मंगलबार बिहान ज्यान गएको छ । सुनसरीको धरान उपमहानगरपालिका–३ का ६४ वर्षीय वृद्धको बिहान ४ः२० बजेतिर निधन भएको प्रतिष्ठानले जनाएको छ । मृतक मधुमेह र मुटु सम्बन्धी समस्याबाट पीडित थिए ।

कोरोनासँग मिल्दो लक्षण देखा परेपछि पीसीआर परीक्षण गराउँदा असोज १२ गते रिपोर्ट पोजेटिभ आएपछि उनलाई आइसोलेसनमा राखेर उपचार थालिएको थियो ।

त्यस्तै कोरोना संक्रमणबाट पूर्वी नवलपरासीका एकजना कोरोना संक्रमित पुरुषको चितवनमा निधन भएको छ । कावासोती नगरपालिका ५ का ७७ वर्षीय वृद्धको आज विहान चितवन मेडिकल कलेज (सीएमसी)मा निधन भएको हो । अस्पतालका निर्देशक डा. दयाराम लम्सालका अनुसार ती वृद्धमा निमोनिया र श्वासप्रश्वासबाट समस्या भइ उनी यही असोज १६ गते अस्पतालमा भर्ना भएका थिए ।

असोज १८ गते उनमा कोरोना संक्रमण पुष्टि भएको थियो । संक्रमण पुष्टि भएलगत्तै उनलाई कोभिड सघन उपचार कक्षमा राखेर उपचार सुरु गरिएको थियो ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal