काठमाडौं । कोरोना आतंकबीच भारतबाट स्वादेश फिर्ता भएकाहरु सवार माइक्रो बसलाई ट्रकले ठक्कर दिँदा मृत्यु हुनेको संख्या १२ पुगेको छ । आइतबार राति पूर्वपश्चिम राजमार्गअन्तर्गत ठुरिया जंगलमा गाडी भएको दुर्घटनामा परी १२ जनाको मृत्यु भएको हो ।
भारतबाट रूपैडिया नाका हुँदै नेपाल प्रवेश गरेकाहरुलाई बोकेको माइक्रो बस दाङ हुँदै सल्यान जाँदै थियो । नेपालगञ्जबाट छुटेको माइक्रो बस ठुरिया जंगल क्षेत्रमा रोकेको बेला विपरित दिशाबाट आएको ट्रकले ठक्कर दिएर दुर्घटना भएको प्रहरीले बताएको छ ।
ट्रकको ठक्करबाट घटनास्थलमै ११ जनाको मृत्यु भएको थियो भने एकजनाको उपचारको क्रममा मृत्यु भएको छ । दुर्घटनामा परी घाइेत २१ जनाको पहिचान खुलेको छ ।
बाँके प्रहरीले सार्वजनिक गरेअनुसार घाइतेहरुः
१. दाङ जिल्ला धर्ना ४ का ४५ वर्षीय मेघराज केसी
२. दाङ जिल्ला तुलसीपुर उपमहानगरपालिकाका ३९ वर्षीय विष्णु गिरी
३. दाङ जिल्ला राजपुर २ का २१ वर्षीय जीवन घर्ती
४. दाङ जिल्ला राजपुर गा.पा. ६ का २० वर्षीय दिपेश चौधरी
५. दाङ जिल्ला तुलसीपुर उपमहानगरपालिका २ का २३ वर्षीय रुपलाल केसी
६. दाङ जिल्लाका २० वर्षीय भरत थापा
७. रोल्पा जिल्ला त्रिवेणी गा.पा. ७ का १७ वर्षीय सुनिल परियार
८. रोल्पा जिल्ला त्रिवेणी गा.पा. ७का २० वर्षीय वीरेन्द्र परियार
९. रोल्पा जिल्ला त्रिवेणी गा.पा. ७ का १८ वर्षीय पुरन परियार
१०. रोल्पा जिल्ला कुरैति गा.पा. २ का ५२ वर्षीय नर बहादुर विक
११. रोल्पा जिल्ला टुटु ८ का ४० वर्षीय दिल ब. बिक
१२.सल्यान जिल्ला कुपिण्डेदह गा.पा. का २० वर्षीय मिनराज बिक
१३. सल्यान जिल्ला सिद्धकुमाख गा.पा. ५ का तेज बहादुर बुढाथोकी
१४. सल्यान जिल्ला सिद्धकुमाख गा.पा. ४ का २८ वर्षीय लोकेश घर्ती
१५. सल्यान जिल्लाका १८ वर्षीय धन बहादुर बोहरा
१६. सल्यान जिल्लाका ५२ वर्षीय दीप बहादुर बुढा
१७. सल्यान जिल्ला शारदा गा.पा. ६ का टीका चलाउने
१८. सल्यान जिल्लाका शिव भण्डारी
१९. सल्यान जिल्ला सिद्धकुमाख गा.पा. ५ का २६ वर्षीय निम बहादुर बादी
२०. सल्यान जिल्ला सिद्धकुमाख गा.पा. ५ का १८ वर्षीय देवेन्द्र बुढाथोकी
२१.सल्यान जिल्ला सिद्धकुमाख गा.पा. ५ का १७ वर्षीय ज्ञान बहादुर बोहरा
