काठमाडौं । प्रधानमन्त्री केपी शर्मा ओलीले भारतले लिपुलेक नेपालीभूमि अतिक्रमा गरेर सडक बनाउन लागेको आफूलाई जानकारी नभएको बताएका छन् । मंगलबार मन्त्रिपरिषद बैठकमा बोल्दै ओलीले आफूलाई कसैले पनि सूचना नदिएको बताएका हुन् ।
यसअघि संसदीय समिति र संसद बैठकमा सरकारको तर्फबाट बोल्दै परराष्ट्रमन्त्री प्रदीप ज्ञवालीले लिपुलेक अतिक्रमण गरेको सरकारलाई जानकारी भएको बताएका थिए । तर, प्रधानमन्त्रीले आफूलाई जानकारी नदिएको बताए ।
मन्त्रिपरिषद् बैठकमा परराष्ट्रमन्त्री ज्ञवालीले लिपुलेक विवाद र संसद र संसदीय समितिहरुमा भएको छलफलबारे जानकारी गराएका थिए ।
त्यसपछि प्रधानमन्त्रीले आफूलाई लिपुलेकमा अतिक्रमण गरि सडक बनाएको जानकारी नभएको बताइएको छ ।
प्रधानमन्त्रीले सुगौली सन्धिअनुसार काली नदी पूर्वको भूभाग नेपालको भएपनि कालापानी क्षेत्रमा सीमाको समस्या पुरानो भएको बताए । ओलीले सरकारले सीमा विवाद समाधान गर्न चाहेपनि भारतका कारण सम्भव नभएको समेत बताएको बताइएको छ ।
