काठमाडौँ । नेपाल कम्युनिस्ट पार्टीका भतिजा दिलिप चन्दलाई रिहा भए लगत्तै प्रहरीले पुनः गिरफ्तार गरेको छ । सर्वोच्च अदालतको आदेशमा रिहा भए लगत्तै प्रहरीले नवलपरासी (बर्दघाट सुस्तापूर्व) बाट पुनः गिरफ्ता गरेको हो ।
बन्दी प्रत्यक्षीकरण निवेदनको सुनुवाई गर्दै सर्वोच्च अदालतले सोमबार रिह ागर्न आदेश दिएको थियो । सर्वोच्च अदालतको आदेश कार्यान्वयन गर्दै नेपाल बार एसोसिएसनका प्रतिनिधिको रोहबरमा दिलीपलाई रिहा गरिएलगत्तै जिल्ला प्रहरी कार्यालयबाट आएका प्रहरीले अदालत परिसरबाटै पुनः गिरफ्तार गरेको थियो ।
गत फागुन १९ गते कपिलवस्तुबाट अभद्र व्यवहारको आरोपमा गिरफ्तार गरिएका दिलीपलाई चैत २३ गते जिल्ला प्रशासन कार्यालय कपिलवस्तुले तारेखमा छाडेको थियो । सोही दिन उनलाई कपिलवस्तुबाट प्रहरीले गिरफ्तार गरी नवलपरासी (बर्दघाट सुस्तापश्चिम) जिल्ला प्रहरी कार्यालयमा पठाएको थियो । त्यहाँबाट पनि उनलाई सोही मुद्दा लगाएर कावासोती पुर्याइएको थियो ।
दिलिपको बुबा तथा नेकपाका केन्द्रीय सदस्य वीरजङ्ग दाङको तुलसीपुरको हिरासतमा राखिएको छ ।
