काठमाडौँ । प्रतिबन्धलाई छल्दै नेतृत्वको नेपाल कम्युनिस्ट पार्टीले महासचिव विप्लवको अध्यक्षतामा माओ दिवस मनाएको छ । पार्टीका सबै तह र तप्कालाई आफ्नो अनुकुलतामा माओ दिवस मनाउन निर्देशन गरेको थियो ।

पार्टीका महासचिव विप्लव नै सहभागी भएर माओ दिवस मनाइएको नेकपाले जनाएको छ । एक ग्रामिण गाउँमा विप्लवको अध्यक्षतामा पुस १० गते नेकपाले १२७ माओ मनाएको हो । पार्टीका कार्यकर्ता र जनताको व्यपापक उपस्थिति रहेको उक्त कार्यक्रममा विप्लवले प्रशिक्षणात्मक मन्तव्य राखेका थिए ।

विप्लवले माओका सैद्धान्तिक योगदानहरु, माओ र चिनियाँ क्रान्तिका शिक्षाहरु र एकीकृत जनक्रान्ति कार्यदिशाको अन्तरसम्बन्धबारे विप्लवले प्रष्ट पारेका थिए । उनले आफ्नो पार्टीको कार्यदिशाका पाँच आधारलाई माओका सिद्धान्तसँग कसरी जोडेर विकास गर्ने भन्ने सन्दर्भमा पनि मन्तव्य राखेका थिए ।

कार्यक्रममा जनमुक्ति सेनाले माओलाई सलामी दिइएको नेकपाले बताएको छ । कार्यक्रममा पार्टीका सचिवालय सदस्य सन्तोष बुढा, केन्द्रीय सदस्य विजय, जनमुक्ति सेनाका सदस्यहरु रस्थानीय जनता सहभागी रहेको बताइएको छ ।

साथै, कार्यक्रममा सहभागीहरुले गीत, गजल, कविता बाचन गरेका थिए ।

• फाइल तस्विर