News Portal

  • चिनियाँ राष्ट्रपति सीको भित्री सुरक्षा जनमुक्ति सेनाले गर्ने

    ७८०० पटक

    काठमाडौं । चिनियाँ राष्ट्रपति सी जिनपिङ शनिबार नेपाल आउने भएका छन् । दुई दशकपछि पहिलो पटक चिनियाँ राष्ट्रपतिले नेपालको भ्रमण गर्न लागेका हुन् ।

    दुबै देशकले भ्रमणको तयारी गरेपनि राष्ट्रपति सी आउने मिति गोप्य नै राखिको थियो । बुधबार नेपाल र चीन दुबै देशका परराष्ट्र मन्त्रालयले सीकाे नेपाल भ्रमणबारे औपचारिक जानकारी गराउँदै मिति सार्वजनिक गरेका हुन् ।  शनिबार नेपाल आउँने र आइतबार फर्किने जानकारी दिइएको छ ।

    राष्ट्रपति सीको स्वागतको लागि सरकारले भव्य तयारी गरिरहेको छ । काठमाडौंलाई टालटुल गरेरै भएपनि राष्ट्रपति सीको स्वगतको तयारी भइरहेको छ । त्यसको रातदिन काठमाडौंको खाल्डाखुल्डी पुर्नेदेखि भत्केका र निर्माण भइरहेका ठाउँहरुमा छोप्ने कार्य जारी छ ।

    त्यसैगरी सीको सुरक्षाको अहिलेबाटै कडाइ गरिएको छ । नेपाली सेनाको नेतृत्वमा नेपाल प्रहरी र सशस्त्र प्रहरीले सुरक्षा दिने बताइएाको छ । तर राष्ट्रपतिको भित्री सुरक्षाको लागि चिनियाँ जनमुक्ति सेनाको टोली सँगै आउने बताइएको छ ।

    राष्ट्रपति विद्यादेवी भण्डारीको निमन्त्रणामा नेपाल आउन लागेका राष्ट्रपति सीले प्रधानमन्त्री केपी शर्मा ओलीसँग चिनियाँ प्रतिनिधि मण्डलको दुई पक्षीय आधिकारिक भेट हुनेछ । सोही क्रममा महत्वपूर्ण सम्झौतामा हस्ताक्षर पनि हुने पनि जनाइएको छ ।

    त्यस्तै विभिन्न पार्टीका वरिष्ठ नेताहरुसँग पनि सीले भेटवार्ता गर्ने जनाइएको छ ।

    • फाइल फोटो
    प्रतिकृया दिनुहोस्