News Portal

  • नेपाल पत्रकार पुस्तकालय तथा स्रोत केन्द्रको भौतिक संरचना हस्तान्तरण

    ३७५ पटक

    काठमाडौं । गैरआवासीय नेपाली संघ, नेपाल पत्रकार महासंघ र नेपाल लाइब्रेरी फाउण्डेशनबीच गत असोज २५ गते भएको त्रिपक्षीय सम्झौता बमोजिम निर्माण भएको पत्रकार पुस्तकालय तथा स्रोत केन्द्रको भौतिक संरचना हस्तान्तरण गरिएको छ ।

    गैर आवासीय नेपाली संघको आर्थिक सहयोगमा निर्मित सो संरचना नेपाल लाइब्रेरी फाउण्डेशनको प्राविधिक सहयोगमा निर्माण भएको थियो । कार्यक्रममा संघका अध्यक्ष भवन भट्टले संघले पढ्ने प्रवृत्तिलाई विकास गर्ने उद्देश्यले पुस्कालयको अवधारणाल्याएकोमा त्यसले मूर्त रुप लिएको उल्लेख गरे ।

    उनले हाल पुस्तकालयको सानो स्वरुप सुरु गरिएको अवधारणालाई आगामी दिनमा सञ्चार संग्रहालयको रुपमा विस्तार गर्नुपर्ने र त्यसका लागि संघको तर्फबाट गर्नुपर्ने सहकार्य गर्न तयार रहेको बताए ।

    नेपालमा अस्तित्व नै लोप हुने अवस्थामा रहेका पुस्तकालयको विकासको लागि पछिल्लो कदम कोसेढुङ्गा हुने बताइएको छ ।

    यस्तै पत्रकार महासंघका अध्यक्ष गोविन्द आचार्यले भौतिक संरचना पूरा भए पनि थप स्रोत साधन वृद्धि गर्दै पुस्तकालयलाई अध्ययन र खोज केन्द्रको रुपमा विकास गर्नुपर्ने बताए ।

    प्रतिकृया दिनुहोस्