अनलाइन डबली
काठमाडौं । नेपाल रेडक्रस सोसाइटीले रसुवाको भोटेकोसी खोलामा आएको विपतपछि आफ्नो कर्मचारी तथा स्वयंसेवक परिचालन गरी आफ्नो कामलाई निरन्तरता दिएको जनाएको छ ।
बाढी प्रभावित क्षेत्रका व्यक्तिका लागि थप सहयोग उपलब्ध गराउन सरकारसँगै मिलेर रेडक्रसले काम गरिरहेको सोसाइटीका अध्यक्ष डा.विशालकुमार भण्डारीले जानकारी दिएका छन् ।
सरकारले छुट्टाएको क्लस्टर अनुसार नै क्लस्टर विभाजन गरी महिला, बालबालिका, ज्येष्ठ नागरिक र अपाङ्गता भएका व्यक्तिलाई प्राथमिकतामा राखेर सेवा पुर्याइरहेको पनि उनले जानकारी दिए ।
सोमबार मात्र सोसाइटीले नेपाल आर्मीको हेलिकप्टरमार्फत अत्यावश्यक औषधिलगायत लिस्टमा भएका सामग्रीहरु रसुवा पठाएको छ ।
