अनलाइन डबली
काठमाडौँ । जेनजीको पदर्शन जारी छ । सरकारले काठमाडौँका विभिन्न स्थानमा कफ्र्यू लगाएपनि युवाहरुले प्रदर्शन जारी राखेका हुन् ।
सरकारले कफ्र्यू जारी गरेपनि पदर्शनकारीले काठमाडौँको नयाँ वानेश्वारमा फेरि प्रदर्शन सुरु गरेका छन् । प्रदर्शनकारी भेला भएपछि प्रहरीले गोली चलाएको छ । प्रहरीको गोली लागेर थप ३ जना घाइते भएका छन् ।
यसैबीच काठमाडौँको न्यूरोडमा पनि विद्यार्थीहरुको प्रदर्शनमाथि प्रहरीले गोली चलाएको हाम्रा संवाददाता बुद्धशरण शाहीले जानकारी दिए ।
प्रहरीको गाली लागेर मृत्यु हुनेको संख्या १८ पुगेको छ । यो समाचार तयार पार्दासम्म करिब ३ सय जना घाइते भएको जानकारी प्राप्त भएको छ ।
ओली सरकारले गरेको सामजिक सञ्जाल बन्द र भ्रष्टाचारको विरोधमा सोमबार काठमाडौंसहित देशका विभिन्न जिल्लामा जेन–जी युवाहरू सडक प्रदर्शनमा उत्रिएका छन् ।
उपचारको क्रममा ट्रमा सेन्टरमा ८ जना, एभरेष्ट अस्पतालमा ३ जना, केमएसीमा २ जना र त्रिवि शिक्षण अस्पतालमा १ जनाको मृत्यु भएको छ । त्यस्तै, सुनसरीको इटरहरीमा गोली लागेर २ जना प्रदर्शनकारीको मृत्यु भएको छ।
