अनलाइन डबली
धनगढी । विहीबार ठाँटाबजारबाट जिल्ला सदरमुकामतर्फ आउँदै गरेको उग्रतारा यातायातको से १ ज ७३८ नम्बरको जिप नवदुर्गा गाउँपालिका–५ स्थित चौडमा भएको दुर्घटना भएको थियो । जीपमा सवारमध्ये ४ जनाको घटनास्थलमै मृत्यु भएको थियो भने १ जनाको उपचारको क्रममा मृत्यु भएको हो ।
प्रहरीका अनुसार दुर्घटनामा परेर घटनास्थलमै ज्यान गुमाउनेहरूमा नवदुर्गा गाउँपालिका–५ का १८ वर्षीय सुरेश साउद, २३ वर्षीय सुरेश पार्की, ४० वर्षीया तारा अवस्थी र ७२ वर्षीया कलावती साउँद रहेका छन् ।
त्यस्तै, घाइते भएका ४२ वर्षका गणेशबहादुर साउदको पनि बिहीबार राति धनगढीको मायामेट्रो अस्पतालमा उपचारको क्रममा मृत्यु भएको हो । घाइते थप ३ जनाको सोही अस्पतालमा उपचार भइरहेको छ ।
दुर्घटनामा घाइते ७ वर्षकी सुस्मिता पार्की डडेल्धुरा अस्पतालबाट डिस्चार्ज भएकी छन्। उनि खतरामुक्त भएको र स्वास्थ्य अवस्थामा सामान्य भएकोले अस्पतालले घर पठाएको थियो ।
जीप भित्री कच्ची सडक खण्डबाट करिब २५० मिटर तल खसेर दुर्घटना भएको थियो ।
यसअघि सोही जिप चार पहिले पनि सोही स्थानमा दुर्घटनामा परेको थियो । त्यतिबेला चालक र एक यात्रु घाइते भएका थिए।
