अनलाइन डबली
हिमकाेट । नेकपा माओवादी केन्द्र ताँजाकोटले जनयुद्ध दिवशको अवसरमा शहिद परिवारलाई सम्मान गरेको छ । ३० औं जनयुद्ध दिवशको अवसरमा हुम्ला जिल्लामा शहिद परिवारलाई सम्मान गर्ने एक मात्र गाउँपालिका हो ।
उक्त दिवशको अवसरमा ताँजाकोट गापाको केन्द्र छप्रेलामा गरिएको कार्यक्रमा १४ जना शहिद परिवारका सदस्यहरुलाई दोसल्ला ओढाएर सम्मान गरिएको जानकारी ताँजाकोट गापाका इनचार्ज गोपाल बुढा इन्द्रले दिएका छन् ।
नेपालको पछिल्लो राजनीतिक आन्दोलनमा माओवादीले शुरु गरेको जनयुद्ध दिवश एक अति महत्वपूर्ण घटना भएकाले यसको क्रममा जीवनको आहुति दिनु हुने शहिदको महत्वपूर्ण र सम्मानजनक स्थान भएकाले सँधै सम्झनयोग्य भएकाले शहिद परिवारलाई सम्मान गरिएको हो ।
उक्त कार्यक्रममा कर्नाली प्रदेश कमिटी सदस्य तथा प्रादेशिक सांसद रणसिंह परियार, गापा अध्यक्ष लालकेश जैसी लगायत अन्य कार्यकर्ताहरुको उपस्थिति रहेको थियो ।
यस अवसरमा विभिन्न सांस्कृतिक झाँकी सहित अन्य कार्यक्रमहरुको समेत आयोजना गरिएको थियो ।
जनयुद्ध दिवशमा सार्वजनिक विदा दिने तीन स्थानीय तह
फागुन १ गते माओवादीले शुरु गरेको जनयुद्ध दिवश ३० औ वर्षमा प्रवेश गरेको छ । यसको सम्झना र सम्मानमा कर्नाली प्रदेशका तीन स्थानीय तहले सार्वजनिक विदा दिएर जनयुद्धलाई उचित सम्मान गरेका छन् ।
फागुन १ गते जनयुद्ध दिवशका अवसरमा सार्वजनिक विदा दिने स्थानीय सरकार अर्थात् तहहरुमा जुम्ला जिल्लाको सिंजा गापा, रुकुम पश्चिमको चौरजहारी नगरपालिका, कालीकोटको पलाँता गापा रहेका छन् । अन्य स्थानीय तहहरुले पनि शुभकामना व्यक्त गरेका छन् ।
स्थानीयस्तरमा विभिन्न गाउँहरुमा पनि जनयुद्धको अवसरमा विभिन्न कार्यक्रमहरु पनि सञ्चालन भएको जानकारी प्राप्त भएको छ ।
