अनलाइन डबली
तुलसीपुर । नेकपा माओवादी केन्द्रका अध्यक्ष प्रचण्ड सुर्खेत र बाँकेका विभिन्न कार्यक्रमलाई सम्बोधन दाङ पुगेका छन् । प्रचण्ड शनिबारसम्म दाङमै रहनेछन् ।
आज तुलसीपुरको अरनिको मैदानमा हुने पार्टीको नगर अधिवेशन उद्घाटन तथा खबरदारी सभालाई सम्बोधन गर्ने कार्यक्रम रहेको छ।
शुक्रबार विहान तुलसीपुरको बटोलपुरमा सहिद परिवारसँग भेटघाट गरी त्यही खाना खाएर सभामा सहभागी हुने कार्यक्रम तय भएको छ।
त्यसैगरी अध्यक्ष प्रचण्डले तुलसीपुरको सभापछि सहिदस्मृति आवासीय माविमा पुगेर सहिद सन्ततिसँग भेटघाट गर्ने र साझ घोराहीमा उद्योगी व्यापारीसँगको भेटघाट पनि तय भएको छ।
अध्यक्ष प्रचण्ड शनिबार घोराही र देउखुरीमा हुने कार्यक्रमलाई सम्बोधन गरी काठमाडौं फर्किने कार्यक्रम तय भएकाे सचिवालयले जनाएकाे छ ।
अध्यक्ष प्रचण्ड दाङ पुग्दा उपाध्यक्ष कृष्णबहादुर महरा, प्रदेश इन्चार्ज चक्रपाणी खनाल, स्थायी समिति सदस्य रेखा शर्मा, जिल्ला इन्चार्ज निर्मल आचार्यलगायत नेताहरुले स्वागत गरेका थिए ।
