अनलाइन डबली
काठमाडौँ । अखिल क्रान्तिकारीको उपमहासचिवमा लालबहादुर साउदले उम्मेदवारी दिएका छन् । नयाँ नेतृत्वको लागि यही १२ गते हुन लागेको चुनावमा सुदूरपश्चिमबाट साउदले उम्मेदवारी दिएका हुन् ।
नेकपा माओवादी केन्द्र निकट अखिल क्रान्तिकारीको नयाँ नेतृत्वको लागि ७ प्रदेशमा र २ भुगोल प्रदेशसहित ९ स्थानमा चुनाव हुन लागेको हो ।
एक दशकभन्दा धेरै समयदेखि विद्यार्थी आन्दोलनमा सक्रिय साउद २०६८ अछामको हिच्मास्थित कालिका माविको इकार्इ अध्यक्ष भएका थिए । त्यस्तै, २०६९ देखि २०७८ सम्म तत्कालिन अछामको इलाका नम्बर १२ को संयोजक, अछाम क्षेत्र नम्बर २ को संयोजक हुँदै अछाम बहुमुखी क्याम्पसको अध्यक्ष, इन्चार्ज भएका थिए ।
त्यसैगरी २०७८ भाद्र २२ देखि २०८१ भाद्र १५ सम्म ३ वर्ष अछाम जिल्ला अध्यक्ष भएर शिक्षा क्षेत्रमा मौलाइरहेका विकृति विसंगतिविरुद्ध निरन्तर लड्दै आएका साउद यसअघि संगठनको केन्द्रीय सदस्य समेत भएर विद्यार्थीको केन्द्रीय राजनीतिको अनुभव समेत समालिसकेका छन् ।
साउदले आफ्नो उम्मेदवारी वर्तमान परिस्थितिमा राजनीति प्रतिको बढ्दो वितृष्णालाई चिर्ने उद्देश्यका साथ सामाजिक, राजनीतिक र आर्थिक क्षेत्रमा देखापरेका तमामखाले विकृति र विसंगतीविरुद्द सशक्त आवाज बुलन्दको लागि भएको बताए ।
नेपालको शिक्षा प्रणालीलाई निजीकरणबाट मुक्त गराउँदै निःशुल्क र वैज्ञानिक शिक्षा, वर्तमान शैक्षिक पाठ्यक्रमलाई आजको युग सुहाउदो श्रम, उत्पादन र रोजगारसँग जोड्न, संगठनलाई जुझारु, एकतावद्ध र चलायमान बनाउन आफूले भूमिका खेल्ने बताउँदै आफूलाई मतदान गर्न सम्पूर्ण प्रतिनिधिहरुसँग अपील समेत गरेका छन् ।
