अनलाइन डबली
काठमाडौं । प्रमुख प्रतिपक्षी नेकपा (माओवादी केन्द्र)सहित विपक्षी दलका नेताहरुले राष्ट्रपति रामचन्द्र पौडेललाई ज्ञापनपत्र बुझाउन लागेका छन् ।
बुधबार ४ बजे माओवादी केन्द्रका अध्यक्ष प्रचण्डको नेतृत्वमा विपक्षी दलका नेताहरू शितल नीवासमै पुगेर राष्ट्रपतिलाई भेट्न जान लागेका हुन्।
सरकारको एक सय पुगेको दिनमै नेताहरुले सरकारको समिक्षासहितको ज्ञापनपत्र बुझाउन लागेका छन् ।
प्राकृतिक विपत्तिमा जनतालाई सरकारको अनुभूति गराउन ओली सरकार असफल भएको, भ्रष्टाचारीलाई संरक्षण गरिरहेको, जनतामा आसा जगाउन नसकेको भन्दै विपक्षी दलहरुले राष्ट्रपतिलाई जानकारी गराउन ज्ञापनपत्र बुझाउन लागेको नेताहरुले बताएका छन् ।
प्रधानमन्त्री ओलीले दल फुटाउने गरी राजनीतिक दल सम्बन्धी अध्यादेश ल्याउने तयारी गरेको भन्दै विपक्षी दलहरुले विरोध जनाउँदै आएका छन् ।
