अनलाइन डबली
काठमाडौं । पूर्वप्रधानमन्त्री डा बाबुराम भट्टराई र माधव कुमार नेपाल बयन दिन प्रहरीकोमा जाने भएको छन् । नेपाल प्रहरीको केन्द्रीय अनुसन्धान ब्युरो (सिआइबी) ले ललिता निवासको जग्गा हिनामिना प्रकरणमा मुछिएका नेपाल र भट्टराईसँग बयान लिने तयारी गरेको छ ।
यस विषयमा प्रहरी शिर्ष अधिकारीबीच छलफल भइरहेको छ । पहिलो पटक पूर्वप्रधानमन्त्रीसँग बयन लिन लागेकोले प्रहरी अधिकारीले छलफलमा जुटेका हुन् ।
ललिता निवासको जग्गा सम्बन्धमा मन्त्रिपरिषद्ले गरेका निर्णय र तत्कालीन प्रधानमन्त्रीहरूसँग बयान लिने विषयमा माथिल्लो तहमा छलफल चलिरहेको प्रहरी स्रोतकाे दाबी छ ।
सर्वोच्च अदालतले ललिता निवासको जग्गा हिनामिना प्रकरणमा पिरामिड शैलीको अनुसन्धान गर्न निर्देशन दिएसँगै सिआइबीले पूर्वप्रधानमन्त्री नेपाल र भट्टराईसँग बयान लिने बाटो खुला भएको थियो ।
किर्ते तथा संगठित अपराधमा अनुसन्धान गरिरहेको सिआइबीले ललिता निवास जग्गा प्रकरणमा चार सय ६ जनाविरुद्ध पक्राउ पुर्जी जारी गरे पनि अहिलेसम्म १९ जना मात्रै हिरासतमा छन्।
नेकपा एसका अध्यक्ष समेत रहेका पूर्वप्रधानमन्त्री नेपाल अहिले देश बाहिर छन् । उनी स्वादेश फिर्ता हुने वितिकै बयन लिने तयारी प्रहरीको छ । नेपाल पूर्वनिर्धारित कार्यक्रम अनुसार अहिले युरोपमा छन् । उनले भ्रमणमा जानुअघि प्रधानमन्त्री प्रचण्डलाई जानकारी समेत गराएको बताइएको छ ।
उता पूर्वप्रधानमन्त्री भट्टराईले भने आफू सिआईबीलाई सहयोग गर्ने बताइसकेका छन् । नेपाल विदेशमा भएकोले बयन लिन केही ढिलाइ भइरहेको छ ।
