काठमाडौं । अर्थमन्त्री डा. प्रकाशशरण महतले बजेटमाथि उठेका प्रश्नको जवाफ दिने भएका छन् । महतले आजको बैठकमा आर्थिक वर्ष २०८/८१ को राजश्व र व्ययको वार्षिक अनुमान (बजेट) मा जवाफ दिने कार्यक्रम रहेको छ।
प्रधानमन्त्री भारत भ्रमणबाट फर्केपछि निरन्तर बजेटमाथि छलफल भइरहेको थियो, साे क्रम हिजोबाट सकिएपछि सोमबार अर्थमन्त्रीले जवाफ दिन लागेका हुन् ।
आइतबार अर्थमन्त्रीले जवाफ दिने बताइएपनि प्रतिनिधिसभा सदस्यहरूले बोल्ने क्रम जारी रहेकाले आज लागि सारिएको थियो ।
यसैबीच सत्तारुढ दल नेकपा एकीकृत समाजवादीले भने बजेटको विरोध गरेको छ । अध्यक्ष माधव कुमार नेपालले बजेट पारित हुन नदिने बरु सरकार छोड्ने चेतावनी दिँदै आएका छन् । नेपालको यो चेतावनीलाई बार्गेनिङको रुपमा लिइएको छ ।
