काठमाडौं । नेकपा एमालेको बन्दसत्र सुरु भएको छ । विहान १० बजेको लागि तय भएको बन्दसत्र पाँच घण्टा ढिला सुरु भएको छ ।
बन्दसत्रको संचालन महासचिव इश्वर पोखरेलले गरेका छन् । अहिले विदेशी पाहुनाहरुले शुभकामना दिइरहेका छन् । भारतीय मार्क्सवादीका प्रतिनिधिले सम्बोधन गरिरहेका छन् । उनले भारतमा तानाशाही सरकार रहेको भन्दै त्यसविरुद्ध श्रमजीवि वर्गले संघर्ष गरिरहेको बताए ।
विदेशी पाहुनको शुभकामना सम्बोधन सकिएपछि अध्यक्ष केपी शर्मा ओलीले सम्बोधन गर्ने कार्यक्रम रहेको छ ।
यसैबीच अध्यक्षमा उम्मेदवारी दिएका उपाध्यक्ष भीम रावलले फिर्ता नलिने बताएका छन् । सहमतिमा नेतृत्व चयन गर्न ओलीले पदाधिकारी थप्ने निर्णय गराएपनि रावलले उम्मेदवारी फिर्ता नलिने बताएका छन् ।
त्यसैगरी वरिष्ठ उपाध्यक्षको दाबी गरिरहेका सुवासचन्द्र निम्वाङले पनि सहमतिमा आएका छैनन् । ओलीले वरिष्ठ उपाध्यक्ष रावललाई दिएर सहमति जुटाउन नेम्वाङलाई राष्ट्रपतिको उम्मेदवार बनाउने आश्वास दिएका थिए तर उनले मानेका छैनन् ।
