काठमाडौं । पछिल्लो २४ घण्टामा देशभर थप ३३८४ जनामा संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज जम्मा ८५०६ जनाको पीसीआर परीक्षण गर्दा २३८२ जना र ५९८८ जनाको एन्टिजेन परीक्षण गर्दा १००२ जनामा संक्रमण पुष्टि भएको छ ।
हालसम्म पीसीआर विधिबाट ६ लाख ६ हजार ७७८ जनामा संक्रमण पुष्टि भइसकेको छ भने एन्टिजेन विधिबाट १९ हजार ७५७ जनामा संक्रमण देखिएको छ । शनिबार देशभर ६ हजार २९५ जनाले कोरोना जितेर सामान्य जीवनमा फर्किएका छन् ।
स्वास्थ्य तथा जनसंख्या मन्त्रालयका अनुसार आज काठमाडौँमा ३९१, ललितपुरमा १३० र भक्तपुरमा ७७ जनामा संक्रमण पुष्टि भएको छ । यो सँगै कोरोना जित्नेको संख्या ५ लाख २७ हजार १११ पुगेको छ ।
त्यसैगरी, कोरोनाबाट थप ६१ जनाको मृत्यु भएको छ । योसँगै नेपालमा कोरोनाको कारण ज्यान गुमाउनेको संख्या ८ हजार ३६६ पुगेको छ ।
पछिल्लो समय नयाँ संक्रमितभन्दा निको हुने दर बढी रहेको छ जसको कारण सक्रिय संक्रमितको संख्या घटेर ७१ हजार ३०१ पुगेको छ । देशमा कोरोना संक्रमणबाट निको हुने दर ८६.९ प्रतिशत रहेको छ भने मृत्युदर १.६ प्रतिशत रहेको छ ।
