काठमाडौं । आज पनि मौसम बदली हुने भएको छ । मौसम पूर्वानुमान महाशाखाका अनुसार शनिबार देशका धेरैजसो स्थानमा आंशिकदेखि सामान्य बदली रहेको छ ।
पहाडी भूभागका केही स्थानमा र तराईका थोरै स्थानमा मेघगर्जन, चट्टयाङ, हावाहुरी र असिनासहित क्षणिक वर्षाको सम्भावना रहेको महाशाखाले जनाएको छ ।
आइतबारसम्म मौसम बदली रहने मौसमविद्ले जनाएका छन् । आइतबार पनि प्रदेश १ लगायत अन्य प्रदेशका पहाडी भूभागमा आंशिकदेखि सामान्य बदली रही बाँकी भूभागमा आंशिक बदली रहने महाशाखाले जनाएको छ ।
प्रदेश १ का पहाडी भूभागका थोरै स्थानमा र अन्य प्रदेशका पहाडी भूभागका एक वा दुई स्थानमा मेघगर्जन र चट्टयाङसहित क्षणिक वर्षाको सम्भावना रहेको छ ।
आइतबार रातिदेखि भने मौसम सामान्यतया सफा रहनेछ । यद्यपि दैनिकजसो विभिन्न भेगमा यसरी नै वर्षात हुने विभागको अनुमान छ ।
मौसम बदलीसँगै मेघगर्जनसहित वर्षा हुने र चट्टयाङ तथा हावाहुरी चल्ने भएकोले सतर्क रहन महाशाखाले सतर्क रहन आग्रह गरेको छ ।
