अनलाइन डबली
काठमाडौं । हिमाल चढेर विश्व कीर्तिमान कायम गरेका नेपाली पर्वतारोही निर्मल पुर्जाको निधन भएको पुष्टि भएको छ ।
पुर्जासहित १० आरोही पाकिस्तानको ‘ब्रड पिक’ हिमालको हिमपहिरोमा परी हराएका थिए । बेपत्ता १० मध्ये ६ नेपाली आरोही थिए । पुर्जा संस्थापक रहेको संस्था इलाइट एक्सपेडले निधन भएको जानकारी सञ्जालमार्फत गराएको छ । हिम पहिरोमा परेकामध्ये ४ जनाको शव भने शुक्रबार नै फेला परेको थियो ।
पुर्जाको नेतृत्वमा पाकिस्तानको कराकोरम हिमशृङ्खलामा अवस्थित ८ हजार ४७ मिटर अग्लो ब्रोड पिकमा आरोहणको क्रममाबिहीबार हिम पहिरो आएको थियो ।
पुर्जाले सन् २०१९ मा विश्वका ८ हजार मिटरभन्दा अग्ला सबै १४ हिमाल केवल छ महिनाभन्दा केही बढी अवधिमा आरोहण गरेर विश्व कीर्तिमान कायम गरेका थिए ।
विश्वको १२औँ अग्लो हिमाल ब्रोड पिकलाई आरोहणका लागि अत्यन्त चुनौतीपूर्ण हिमालमध्ये एक मानिन्छ ।
