काठमाडौं । काभ्रेमा भएको बस दुर्घटनामा परी ज्यान गुमाउनको संख्या ८ पुगेको छ । बनेपाबाट रोशी गाउँपालिका–स्थित सुँगुरेतर्फ जाँदै गरेको यात्रुवाहक बस शुक्रबार दिउँसो दुर्घटना भएको थियो ।

प्रहरीका अनुसार बसमा २४ जना यात्रु बोकेको बा ३ ख ८३९८ नम्बरको बस विपी राजमार्ग अन्तर्गत नमोबुद्ध नगरपालिका–२ बुच्चाकोटमा दुर्घटनामा परेको थियो ।

काभ्रे प्रहरीका अनुसार दुर्घटनामा १६ जना घाइते भएका छन् । उनिहरुको धुलिखेल अस्पतालमा उपचार भइरहेको छ। बस अनियन्त्रित भई सडकबाट करिब ३०० मिटर तल खसेको प्रहरीले जनाएको छ।