अनलाइन डबली
काठमाडौँ । नेपाली काँग्रेसका सभापति गगन थापाले राजीनामा दिएका छन् । चुनावअघि ‘काँग्रेस बदल्यौं, अब देश बदल्छौं’ नारा लगाएका थापा चुनावको परिणामले नराम्रोसँग थला परेका छन् ।
केही दोस्रो पुस्ताको नेतालाई फकाएर जबरजस्त विशेष महाधिवेशन गरेर आफूलाई सभापति घोषणा गरेका थापाले बुधबार पदबाट राजिनामा दिएका हुन् ।
थापाले उपसभापति विश्वप्रकाश शर्मालाई राजिनामा बुझाएका हुन् । फागुन २१ गते भएको प्रतिनिधिसभा निर्वाचनमा आफू र पार्टीका लज्जाजनक हार भएपछि थापाको नैतिकता र राजनीतिक निर्णयमाथि प्रश्न उठ्न थालेको छ ।
सभापति घोषित भएपछि थापा काठमाडौं छोडेर सर्लाही–४ बाट उम्मेदवार थिए । उनलाई रास्वपाका डा अमरेशकुमार सिंहले पराजित गेरेका थिए ।
थापाले चुनावअघि हतारमा जबरजस्त महाधिवेशन गरे, चुनाव सकिएपछि अहिले पछुताउँदै राजिनामा गर्न बाध्य भएको काँग्रेस नेताहरु बताउँछन् ।
