अनलाइन डबली
जनकपुर । जनकपुरधाममा जनता समाजवादी पार्टी नेपाल निकट समाजवादी युवा संघका युवाहरुले पानी माग्दै सरकारविरुद्ध प्रदर्शन गरेका छन् ।
आइतबार घैला, बाल्टिन, जग बोकेर सरकारसँग पानी माग्दै मधेश प्रदेशका मुख्यमन्त्री सतिश कुमार सिंहविरुद्ध नाराबाजी गर्दै युवाहरुले जुलुस निकालेका हुन् ।
उनीहरुले भ्रष्ट सरकार पानी दे, चुरे दोहन बन्द गर, राहत प्याकेज घोषणा गर, किसान विरोधी सरकार होसियार, किसान मार्न पाइँदैन जस्ता नारा लगाउँदै जनकपुरधामको जनकचोकबाट जुलुस निकालेर मुख्यमन्त्री कार्यालय पुगेका थिए ।
उनीहरुले मुख्यमन्त्री सिंहलाई चार बुंदे मागसहितको ज्ञापन पत्र पनि बुझाउन पुगेकोमा, मुख्यमन्त्री सिंह काम विशेषले काठमाडौ गएका कारण मधेश प्रदेशका प्रमुख सचिव मदन भुजेललाई ज्ञापन पत्र बुझाएर ध्यानाकर्षण गराएका थिए ।
ज्ञापन पत्रमा ध्यानाकर्षण गराइएका विषयहरु
१. सरकारले तैयार गरेको भूमी विधेयक पूर्णरूपमा मधेशी जनता र यस क्षेत्रका लागि बिष समान रहेकोले यो कुनै पनि शर्तमा मान्य हुने छैना भुमी विद्येयक निशर्त खारिज हुनुपर्छ वा आपतिजनक बिषयहरू संशोधन गरि अगाडि बढाइनु पर्छ ।
२. किसानहरूलाई प्रत्यक वर्ष मलखाद्य र बिउको समस्या हुने गरेको र हरेक वर्ष यस विषयमा आवाज उठाउँदापनि सरकारले कुनै प्रभावकारी कार्य अगाडि नबढाएकाले किसान हरेक वर्ष मर्कामा पर्छ । नेपालको बजारमा मलखाद उपलब्ध नहुँदा भारतिय बजारबाट खरिद गर्नुपर्ने बाध्यता रहेको छ र यो बाध्यता नेपाल सरकारकै कारण भएकै हो । मधेशका किसानहरूले भारतिय बजारबाट बाध्यताले खरिद गरेर ल्याएको मलखाद्यपनि यहाँ प्रशासनले ल्याउन नदिने, जपत गर्ने, किसानलाई परेशान गर्ने जस्ता कार्य भएकोले यस्ता कार्य तुरुन्तै रोकिन् पर्छ, नभए सरकारले किसानका समस्या र अवश्यकतालाई ठोसरूपमा संबोधन गर्नु पर्छ । यथाशिघ्र मलखादको व्यवस्थापन गरिदिन नेपाल सरकारसंग माग गर्दछौं ।
३. केहि दिन अगाडि मधेशलाई सुख्खाग्रष्त क्षेत्र घोषणा भएतापनि कुनै प्रकारका गतिविधि र राहतको प्याकेज यस क्षेत्रका जनतालाई उपलब्ध भएको देखिएन् । जनतालाई खानेपानी समेतको समस्या हुँदै गर्दा सरकारको यस प्रकारको व्यवहार बिभेदकारी जस्तो बोध गराउँदैछ तसर्थ जनतालाई खानेपानी उपलब्ध गराउन सम्भव प्रविधि प्रयोग गरि समाधान र राहत दिइन् पर्छ साथ साथै यस सुखाग्रष्त समस्याको समाधानका लागि द्विघकालिन योजनाको माँग गर्दछौं ।
४. किसानको खेतहरू बंजर बन्दै गर्दा सरकारको कुनैपनि योजना नदेखिन् दुखद रहेको र यस बिषयमा पनि सरकारको ध्यानाकर्षण गराउँदछौं । यस क्षेत्रका कृषिका लागि विभिन्न सिचाई योजनाहरूलाई यथाशिघ्र संचालन गरि सम्पन्न गराउन माग गर्दछौ ।
