काठमाडौं । गैर आवासिय नेपाली संघ (एनआरएनए)ले संवाद डबलीका अध्यक्ष तथा अनलाईन डबलीका प्रधान सम्पादक दिपेन्द्र रावल र रातोपाटीका समाचार सम्पादक राजकुमार सिग्देललाई सम्मान गरेको छ ।

राजधानी काठमाडौंमा एनआरएनएको वार्षिक साधारण सभामा संघका संरक्षक शेष घले र संघका अध्यक्ष विनोद कुँवरले सम्मान पत्र प्रदान गरेका थिए ।

भूकम्पको उद्दार तथा राहत वितरण र संघका गतिविधीलाई आमजनतामाझ पुर्याउन भूमिका खेलको भन्दै एनआरएनएले रावल र सिग्देललाई सम्मान गरेको अध्यक्ष कुँवरले बताए ।

संरक्षक घलेले संघलाई यहाँसम्म पुर्याउन संचार माध्यमको महत्वपूर्ण भूमिका खेलेको बताउँदै आगमी दिनमा पनि यस्तै सहकार्य हुने अपेक्षा गरेको बताए । एनआरएनएको भूमिका उजागर गरेकोप्रति धन्यवाद दिद अध्यक्ष कुँवरले आगमी दिनहरुमा यस्तै भूमिका रहने विश्वास रहेको बताए ।